قصيده راع النمايم اهداء

إذا المراجل لبسة شماغ وعقال قل للعذارى يلبسنّ العمايم

ما عاد يفرق زول حرمه ورجال دام الفعايل تشبه البعض دايم

المرجله ما هيب كلمه وتنقال وتروح ما راحت هبوب النسايم

ولا هي بعد مفتاح موتر وجوال وإلا ردى لسانن حديثه شتايم

المرجله شيمه عن القيل والقال رفيع نفس (ن) حر بالجو حايم

المرجله عقلٍ وزن وزنه جبال ودون العقل وش فرقنا والبهايم

المرجله يا خوي هي طولة البال هي العزم هي الصبر فالظلايم

فيها الكرم عزه دله وفنجال فيها الكرامه عن ردى الطبع شايم

والدين لامنه خذا القلب منزال مشى طريق الحق وابليس نايم

ومن لا عرف ربه في طيب الحال لابد وقت الضيق بالهم هايم

حتى صلاتك مع جماعات ورجال في خيرها يا خوي نعم الغنايم

ولامن نصف ليلك قم صفي البال يا عظم أجرك بين ساجد وقايم

ولا من رفع ربي له كل الأعمال حسن الذكر لا قالو فلان صايم

وخلك شريف القصد يا طيب الفال سوء المقاصد فالبيوت الهدايم

واحذر تبيع النفس في دب الأنذال وتتبع خوي إبليس راع النمايم

النفس خيل لك إذا كنت خيّال ومن لا قوى نفسه قوته الهزايم

روووعه بروعة صحبته

ربي يسعدك ويوفقك

جزاكِ الله خيرا

[b]

صح لسانج يالغلا


الله يعطيج الف الف عافيه


تقبلي مروري زائرة أنوسة